கீ...தம் சங்கீ..தம்

கூட்டிசைப்பாடல்  choral music
தோட்டபதிவு போட்டதும் அடுத்த பதிவை போட நினைத்திருந்தேன். 
ம்.ம் நினைப்பதெல்லாம் நடக்குதோ!!!! 
சின்ன வயதில் அம்மாவின் விருப்பத்திற்காக சங்கீதம் படித்தேன்.  தரம் 4 வரை படித்து பாஸாகியாச்சு. பின் பிரச்சனைகளால் அது இல்லாமல் போய்விட்டது.நீண்டகாலமா சும்மா படித்ததை முணுமுணுப்பது, சினிமா பாடல் பாடுவது எல்லாம் என் சமையலறையில் மட்டுமே. இப்படியே  நல்லாதான்  போய்கிட்டிருந்தது கடந்த வருடம் ஐப்பசி மாதம் வரை.

ஒருநாள் பக்கத்து வீட்டு டீச்சர் (இங்குள்ள)  "ஏன் நீ மியூசிக் க்ளாஸூக்கு வரக்கூடாது." என கேட்டா. ஆ..ஹா இது என்ன புதுசாஆ ஒரு ஆரம்பம் என நான் குழம்பித்தவித்தேன். தவிப்பெல்லாம் இந்த சங்கீதம் எப்படி இருக்கும், இனிமேல் படித்து டெஸ்ட் எல்லாம் எழுத முடியாது என்பதுதான். அத்துடன் இது எனக்கு புதிது. கேள்விப்படாதது.

என்னவாக இருக்கும் என்பதை பார்க்கவே, விருப்பமில்லாமல் சேர்ந்து கொண்டேன். கொஞ்சநாள் கஷ்டப்பட்டேன். பாடல்கள் பாட, பின் அதுவே விருப்பமாகிவிட்டது. லத்தீன், பிரெஞ்ச், ஆங்கிலம், ஜேர்மன் பாடல்கள் பயிற்சியளிக்கப்படுகிறது. பாட்டுப்பயில  வயதானவர்கள், பாடசாலை+பல்கலைகழக மாணவர்கள், வேலைக்கு செல்பவர்கள், குடும்பபெண்மணிகள்  வருகிறார்கள். ஒவ்வொரு இடங்களிலும் அடிக்கடி  CONCERT  நடைபெறும். 

இப்படி படிப்பதற்கு ஒரு அங்கீகாரம் தேவை என்பதாலும், திறமையான குழுக்களை தெரிவு செய்வதற்காகவும் 5 வருடத்திற்கு ஒரு முறை மாநில அளவில் போட்டிகள் நடைபெறும். அப்படியான போட்டி ஒன்று இந்த வருடம் வந்தது. எங்கள் குழுவும் கலந்துகொள்வற்காக தெரிவு செய்யப்பட்டு, அப்போட்டிக்காக பகல்,இரவு நேரங்களில் வகுப்பு நடாத்தப்பட்டு பயிற்சியளிக்கப்பட்டது.
இப்போட்டி கடந்த சனி, ஞாயிறு இருதினங்களாக  நடைபெற்றது. எங்கள் குழு சனியன்று 31.5.14 போட்டியிட தேர்வானது. மொத்தம் 20 குழுக்கள் போட்டியிட்டன.
                                 எங்கள் குழுவினர்

                                    ஒத்திகை பார்த்தல்

                 அரங்கத்தினுள் செல்லக்காத்திருக்கும் மக்கள்.

                                    அரங்கினுள் மக்கள்.

                                    பாடுகின்றோம்

வலமிருந்து 2வது நிற்பவர்தான் என்னை குழுவில் இணைத்த ஆசிரியை. இது எங்கள் குழுவின் சீருடை.(கருப்பு & ஊதாகலர்)

                 அனே(Anne) நன்றாக பாடும் திறமையுள்ளவர்

சான்றிதழுடன் Chairman & Music Director.வெற்றி பெற்ற மற்றைய குழுவினர்களும்.

போட்டியில் எங்கள் குழுவிற்கு 3ம் இடம் கிடைத்துள்ளது.  சான்றிதழ் வழங்கப்பட்டது. 20 குழுக்கள் பங்குபற்றின.

நாங்க இரவு 10 மணியளவில் எங்க இடத்திற்கு  வந்தபோது ஊர்மக்களால்   வரவேற்பு அளிக்கப்பட்டது.

                             *********************
இந்த பாராட்டுக்கள் எல்லாம் எங்கள் Music Director 
Michael Rinscheid  மிசைல் ரின்சைட் அவர்களுக்குதான் சேரும்.

                  _()_  _()_  _()_  _()_ _()_  _()_  _()_  _()_  _()_
இந்த பரபரப்பிலும் அனே கேட்டதற்காக செய்த கார்ட். அவரும் 
க்ராப்ட்நன்றாக செய்வார். க்விலிங் செய்ய ஆரம்பித்திருக்கிறார். 

                   இப்படியே கொடுத்தேன்.மிகுதி அவர் அழகு செய்திருந்தார்.
                            - - - - - - - - - - - - - - - - - - - - - - - -